جموں و کشمیر لیفٹیننٹ گورنر انتظامیہ نے درجہ چہارم کی خصوصی تقرری کے قواعد میں متبادل ضمنی قواعد کو شامل کیا ہے جس کے تحت ایک امیدوار کو درخواست کے وقت یا جب بورڈ کے ذریعہ مناسب سمجھا جائے تمام یونین ٹیریٹری کے ڈویژنل اور ڈسٹرکٹ کیڈر کی خالی اسامیوں کے لئے اپنی ترجیح کی نشاندہی کرنی ہوگی-
مرکز کے زیر انتظام جموں و کشمیر کے لیفٹیننٹ گورنر نے اس ضمن میں ہدایت دی ہے کہ جموں و کشمیر میں درجہ چہارم کی اسامیوں کے لئے بھرتی کے حوالے سے جو قواعد و ضوابط جو نوٹیفیکیشن نمبر ایس او 184 مورخہ 4 جون کو جاری کی گئی تھی۔ اسے ضمنی قواعد سب رول (5) کے ذریعہ تبدیل کیا جائے گا، یعنی اس متبادل قواعد کے تحت امیدواروں کو درخواست کے وقت یا جب بورڈ کے ذریعہ مناسب سمجھا جاتا ہے تو تمام یو ٹیز کے صوبائی اور ضلع کیڈر کی خالی اسامیوں کے لئے اپنی ترجیح کی نشاندہی کرنی ہوگی۔
اس سلسلے میں ایک نوٹیفیکیشن جاری کر دیا گیا۔ نوٹیفکیشن کے مطابق جموں و کشمیر سول سروسز (سینٹرالائزیشن اینڈ ریکروٹمنٹ) کے سیکشن 15 کے آئین کے دفعہ 309 والے اختیارات کے استعمال میں ایل جی کی ہدایت کے تحت قواعد کو تبدیل کیا گیا ہے۔
