جموں وکشمیر حکومت نے آج سیکرٹری منصوبہ بندی، ترقی و نگرانی ایم راجو جن کے پاس تواضع، اسٹیٹس اور شہری ہوا بازی کا چارج بھی ہے کو حکومت ہند کی امور خارجہ و شہری ہوا بازی وزارتوں کے باہر کے ملکوں سے واپس آنے والوں کیلئے کئے جا رہے انتظامات میں معاونت کیلئے نوڈل افسر مقرر کیا ہے۔
اس ضمن میں جی اے ڈی کی جانب سے جاری حکمنامے میں کہا گیا ہے کہ ایم راجو، آئی اے ایس جو کہ سیکرٹری محکمہ منصوبہ بندی، نگرانی و ترقی ہونے کے علاوہ تواضع، اسٹیٹس اور سول شہری ہوا بازی کا چارج بھی رکھتے ہیں کو حکومت ہند کی خارجہ اور شہری ہوا بازی وزارتوں کی جانب سے باہر کے ملکوں سے واپس آنے والوں کیلئے کئے جا رہے انتظامات کی دیکھ ریکھ کیلئے نوڈل افسر مقرر کیا گیا ہے ۔
