گزشتہ روز سرینگر میں ہلاک کئے گئے پولیس اہلکار جاوید احمد کی آخری رسومات آج ادا کر دی گئیں۔ ان کی آخری رسومات ان کے آبائی علاقہ سعد پورہ میں ادا کی گئیں۔
جوں ہی ان کی لاش ان کے گھر پہنچی تو وہاں صف ماتم بچھ گئی۔ لوگوں نے نم آنکھوں سے انہیں سپرد خاک کیا۔
پولیس اہلکار جاوید احمد نم انکھوں سے سپرد خاک
واضح رہے کہ نامعلوم بندوق برداروں نے جمعرات کی شام سعدہ پورہ صفا کدل علاقہ میں جاوید احمد پر نزدیک سے گولیاں چلا کر ابدی نیند سلا دیا۔
پولیس ذرائع کی اطلاعات کے مطابق نامعلوم بندوق برداروں نے پولیس کانسٹیبل کو گولی مار کر شدید زخمی کر دیا۔ زخمی اہلکار کو فوری طور پر شیر کشمیر انسٹی ٹیوٹ آف میڈیکل سائنسز منتقل کیا گیا، جہاں ڈاکٹروں نے انہیں مردہ قرار دے دیا۔
بتایا جاتا ہے کہ مذکورہ اہلکار ہائی کورٹ جج کی حفاظت پر مامور تھا۔
