بشارت بخاری، خورشید عالم اور منصور حسین پیپلز کانفرنس میں شامل ہوں گے

بشارت بخاری، خورشید عالم اور منصور حسین پی ڈی پی میں کئی برس تک سرگرم تھے۔ تاہم گذشتہ دنوں بشارت بخاری نے نیشنل کانفرنس کو الوداع کہا، وہیں خورشید عالم اور منصور حسین نے پی ڈی پی کو خیرباد کہہ دیا۔

سابق این سی رہنما بشارت بخاری اور سابق پی ڈی پی رہنما خورشید عالم اور منصور حسین آج سجاد لون کی قیادت والی پیپلز کانفرنس میں شامل ہو سکتے ہیں۔

اس سلسلے میں آج سجاد لون کی سرکاری رہائش گاہ واقع چرچ لین سونوار میں دوپہر کو تقریب منعقد ہو گی اور اس کے بعد ایک پریس کانفرنس کا بھی انعقاد ہوگا۔

ذرائع کا کہنا ہے کہ آنے والے وقت میں مزید باغی رہنما پیپلز کانفرنس میں شامل ہونے والے ہیں۔

بشارت بخاری کئی برسوں تک پی ڈی پی میں سرگرم تھے تاہم 2018 میں انہوں نے پی ڈی پی کو چھوڑ کر این سی میں شامل ہو گئے تھے۔ وہیں، چند ہفتے قبل انہوں نے نیشنل کانفرنس کو بھی خیر باد کہہ دیا۔

بشارت بخاری پی ڈی پی اور بی جے پی سرکار میں وزیر رہ چکے ہیں۔ تاہم انہوں نے سنہ 2018 میں پارٹی کو خیر باد کر کے نیشنل کانفرنس میں شمولیت اختیار کی تھی، لیکن گذشتہ ماہ انہوں اس پارٹی کو بھی الوداع کہا۔