سرینگر: فوڈ اینڈ ڈرگ کنٹرول محکمہ کی جانب سے سرکاری ہسپتالوں اور دیگر طبی اداروں کے باہر دوا فروشوں کی جانب سے فراہم کی جا رہی ادویات کی مسلسل جانچ کی جا رہی ہے۔ ڈرگ کنٹرول محکمہ نے بیس مختلف ادویات کو غیر معیاری قرار دیتے ہوئے ان پر پابندی عائد کر دی ہے۔ غیر معیاری 20 ادویات میں میڈیکل سپلائز کارپوریشن کے 3،سکمز سپلائی میں سے ایک جبکہ دیگر 16 ادویات مختلف کمپینوں کی جانب سے وادی کے مختلف اضلاع کے دوا فرشوں کو سپلائی کی گئی ہیں۔
سپلائی کی گئی ادویات میں کمپاؤند سوڈیم لیکٹیک انجکشن بیچ نمبر 2105B0326 اور بیچ نمبر 2015 B0334 پوٹاشم کلورائیڈ ،سکمز سپلائی میں بیچ نمبر 10456 او فلاکسن اوپتھال میوک وغیر ادویات کے نام قابل ذکر ہیں۔ محکمہ فوڈ اینڈ ڈرگ کنٹرول نے اس کے علاوہ مزید 37 ادویات کو مس برانڈگ کی وجہ سے غیر معیاری قرار دیا ہے۔ مس برانڈگ کے زمرے میں لائی گئی ادویات میں میڈیکل سپلائز کارپوریشن کی جانب سے ہسپتالوں کو سپلائی کیے جانے والے فولک ایسڈ بیچ نمبر TFC 2002AL کے علاوہ دیگر ادویات بھی شامل ہیں۔
مزید پڑھیں: Overprice Of Medicine نیشنل فارماسیوٹیکل پرائسنگ اتھارٹی کی کارروائی
محکمہ فوڈ اینڈ ڈرگ کنٹرول کی جانب سے جموں و کشمیر میں معیاری ادویات کی سپلائی اور سیل کے حوالہ سے مسلسل مارکیٹ چیکنگ انجام دی جا رہی ہے۔ غیر معیاری، زائد المیعاد اور ادویات کو بغیر پریسکپشن کے فروخت کرنے والی دکانوں کو سربمہر بھی کیا جا رہا ہے۔
