جنوبی کشمیر کے اونتی پورہ Encounter in Awantipora علاقے میں سکیورٹی فورسز اور عسکریت پسندوں کے درمیان ایک جھڑپ میں ایک مقامی عسکریت پسند ہلاک ہوا ہے۔
بتایا جاتا ہے کہ مصدقہ اطلاع کے بعد سکیورٹی فورسز اور ایس او جی اونتی پورہ نے بارہگام نامی گاؤں کا محاصرہ کیا اور تلاشی مہم چلائی۔
ویڈیو دیکھیے
جوں ہی تلاشی کا سلسلہ شروع ہوا تو وہاں ایک جھڑپ شروع ہوئی جس میں ایک عسکریت پسند ہلاک ہوا ہے۔ جس کی شناخت پولیس نے سمیر احمد تانترے ساکن بارہگام کے طور پر ہوئی ہے۔
مارے گئے عسکریت پسند کے بارے میں کہا گیا ہے کہ اس نے گزشتہ ماہ کی دو تاریخ کو ممنوعہ تنظیم جیش محمد میں شمولیت اختیار کی تھی۔
