سرینگر کے بمنہ علاقے میں انکاؤنٹر، ایک عسکریت پسند ہلاک

سرینگر شہر کی مضافات میں واقع بمنہ علاقے میں فوج اور عسکریت پسندوں کے درمیان جاری انکاؤنٹر میں ایک عسکریت پسند ہلاک ہو گیا ہے۔ پولیس نے دعویٰ کیا ہے کہ ہلاک شدہ عسکریت پسند پولیس آفیسر ارشد کے قتل میں ملوث تھا۔ ہلاک شدہ عسکریت پسندکی شناخت حبہ کدل سرینگر کے رہنے والے تنزیل کے طور پر کی گئی ہے۔

سرینگر کے بمنہ علاقے میں فوج اور عسکریت پسندوں کے درمیان جاری انکاؤنٹر میں ایک عسکریت پسند ہلاک ہو گیا ہے۔

کشمیر زون کے انسپکٹر جنرل آف پولیس وجے کمار کے مطابق تصادم کے دوران ایک پولیس آفیسر کو ہلاک کرنے والا عسکریت پسند ہلاک کیا گیا ہے۔

انہوں نے بتایا کہ ہلاک شدہ عسکریت پسند کا نام تنزیل، ساکن حبہ کدل سرینگر ہے۔

اُن کا مزید کہنا ہے کہ باوثوق ذرائع کی اطلاعات کے بنیاد پر پولیس نے علاقے کو محاصرے میں لیا اور پھر تصادم شروع ہوا۔

مزید تفصیلات کا انتظار