سرینگر میں پولیس پوسٹ بمنہ نے معمول کی چینگ کے دوران شک کی بنیاد پر ایک شخص کو روک کر اس کی تلاشی لی۔ تلاشی کے دوران مذکورہ شخص کے قبضے سے منشیات ضبط کی گئی۔ گرفتاری کے بعد پولیس اسٹیشن پارمپورہ میں اس حوالے سے ایک ایف آئی آر زیر نمبر 145/2020 درج کر کے مزید تحقیقات شروع کی گئی ہے۔
ادھر ایس ایچ او زکورہ کی سربراہی میں پولیس پارٹی نے پٹھان محلہ زکورہ میں قمار بازوں کے اڈے پر چھاپہ مار کر 11 قمار بازوں کو گرفتار کیا جبکہ داؤ پر لگائی گئی 1,18,495 کی نقدی کو بھی ضبط کیا گیا۔
ادھر وادی کے دیگر اضلاع میں بھی پولیس نے سماجی برائیوں کا قلع قمع کرنے کے لیے کارروائی جاری رکھی ہوئی ہے۔
