ڈونلڈ ٹرمپ جونیئر نے بھارت کا متنازع نقشہ شیئر کیا

اس نقشے سے تنازع شروع ہوا ہے اور سوشل میڈیا پر اس کو خوب شیئر کیا جا رہا ہے کیونکہ اس نقشے میں جموں و کشمیر کو پاکستان کا حصہ دکھایا گیا ہے۔

امریکی صدر ڈونلڈ ٹرمپ کے بڑے بیٹے ڈونلڈ ٹرمپ جونیئر نے 2020 کے صدارتی انتخابات کے انتخابی نتائج کی پیش گوئی کرتے ہوئے ایک متنازع نقشہ ٹویٹر پر شیئر کیا جس میں جموں و کشمیر کو پاکستان کا حصہ دکھایا گیا ہے۔

ریاستہائے متحدہ امریکہ میں انتخابات میں ریپبلکن پارٹی کی جیت کا دعویٰ کرتے ہوئے انہوں نے 'سرخ لہر' کی پیش گوئی کی اور ایک نقشہ شیئر کیا جس میں دنیا کے اکثر حصے کو لال رنگ سے بھرا ہوا دکھایا گیا ہے۔ اس نقشے میں پاکستان بھی لال رنگ سے بھرا ہوا دکھایا گیا ہے جبکہ بھارت کو نیلے رنگ میں دکھایا گیا ہے جس کا مطلب پاکستان ریپبلکن پارٹی کا حمایتی ہے اور بھارت ڈیموکریٹس کا۔

اس نقشے سے تنازع شروع ہوا ہے اور سوشل میڈیا پر اس کو خوب شیئر کیا جا رہا ہے کیونکہ اس نقشے میں جموں و کشمیر کو پاکستان کا حصہ دکھایا گیا ہے۔

نقشہ

اس کے علاوہ نقشے میں بھارت کی شمال مشرقی ریاستوں کو بھی ریپبلکن پارٹی کی حمایتی ریاستیوں میں رکھا گیا ہے۔

ٹرمپ جونیئر کے اس ٹویٹ پر اب تک 54 ہزار سے زائد ری ٹویٹس آئے ہیں اور 1.18 لاکھ سے زائد لوگوں نے اسے پسند کیا ہے۔

واضح رہے کہ ریاستہائے متحدہ امریکہ میں صدارتی انتخابات کا عمل جاری ہے۔ ریپبلکن پارٹی کے اُمیدوار ڈونلڈ ٹرمپ اور ڈیموکریٹس کے اُمیدوار جو بائیڈن کے درمیان کانٹے کا مقابلہ ہے۔

یہ امر قابل ذکر ہے کہ امریکی صدر ڈونلڈ ٹرمپ نے اظہار کیا تھا کہ واشنگٹن چینی پیپلز لبریشن آرمی کے خطرے سے نمٹنے کی کوششوں میں نئی ​​دہلی کی حمایت کرے گا۔