ڈائریکٹر وشیش پال مہاجن نے ززنہ فروٹ منڈی کا دورہ کیا

محکمہ ہارٹیکلچر پلاننگ اینڈ مارکیٹنگ کے ڈائریکٹر وشیش پال مہاجن نے گاندربل کے علاقہ ززنہ میں واقع فروٹ منڈی کا دورہ کیا۔ اس دورہ کے دوران ان کے ساتھ ڈپٹی ڈائریکٹر کشمیر منظور احمد میر اور دیگر افسران بھی موجود تھے۔

ڈائریکٹر وشیش پال مہاجن نے اس موقع پر فروٹ منڈی کا جائزہ لیتے ہوئے موقع پر موجود چند افراد کو فروٹ منڈی میں دکانیں الاٹ کی گئیں، جنہوں نے کچھ سال قبل محکمہ میں درخواستیں جمع کرائی تھی۔

اس موقع پر ڈائریکٹر نے نامہ نگاروں کو بتایا کہ ززنہ فروٹ منڈی کو جدید نوعیت کی تمام سہولیات سے آراستہ کیا جائے گا۔ تاکہ اس فروٹ منڈی سے جڑے افراد کو ہر طرح کی سہولیات میسر ہوں۔

انہوں نے کہا کہ 'ززنہ فروٹ منڈی قائم کرنے سے اس علاقہ سے وابستہ میوہ کاشتکاروں کو بہت فائدہ پہنچے گا'۔