'ہمیں غیر ملکی سفارتکاروں سے ملنے کی اجازت نہیں دی جا رہی ہے'

وادی کشمیر میں غیر ملکی سفارتکاروں کے دورے کے دوران بڈگام سے نیشنل کانفرنس کے ڈی ڈی سی ممبران نے دعویٰ کیا کہ 'انہیں انتظامیہ نے تین دن سے نظر بند کر رکھا ہے، انہیں غیر ملکی سفارتکاروں سے ملنے کی اجازت نہیں دی جا رہی ہے'۔

تقریباً 25 ارکان پر مشتمل یورپی وفد آج سے جموں و کشمیر کے دو روزہ دورے پر ہے۔ غیر ملکی سفارتکاروں کے وادی کشمیر کے دورے کے دوران بڈگام سے نیشنل کانفرنس کے ڈی ڈی سی ممبران نے دعویٰ کیا کہ 'انہیں انتظامیہ نے تین دنوں سے نظر بند کر رکھا ہے، انہیں غیر ملکی سفارتکاروں سے ملنے کی اجازت نہیں دی جارہی ہے'۔

انہوں نے کہا کہ' انتظامیہ کے اس رویہ سے صاف ظاہر ہو رہا ہے کہ انتظامیہ اپنے پسندیدہ لوگوں کو ہی وفد سے ملنے کی اجازت دے رہا ہے'۔

واضح رہے کہ قریب 25 ارکان پر مشتمل ایک یورپی وفد آج سے جموں و کشمیر کے دو روزہ دورے پر ہے۔ اس وفد نے جموں و کشمیر کے دارالحکومت سرینگر پہنچ کر بڈگام کے ماگام علاقے کا دورہ کیا۔

غیر ملکی سفارتکاروں کا ضلع بڈگام میں کشمیری روایت کے مطابق استقبال کیا گیا۔ اس وفد نے ضلع بڈگام کے ماگام بلاک کا دورہ کیا جہاں ضلع ترقیاتی کونسل (ڈی ڈی سی) کے چیئرمین نذیر احمد خان اور دیگر پنچایت نمائندوں نے ان کا استقبال کیا۔

اس کے بعد نظیر خان نے بھی سفیروں سے خطاب کیا۔ غیر ملکی سفارتکاروں کو پنچایتی راج اور بیک ٹو ولیج پروگرام اور بلاک کے ذریعے شکایات کے ازالے کے بارے میں بتایا گیا۔ اس دوران یہ وضاحت کی گئی کہ کس طرح انتظامیہ لوگوں کی دہلیز تک پہنچنے کی کوشش کر رہا ہے۔