سرینگر: کشمیر کو جہاں زمین پر جنت ہونے کا صرف حاصل ہے، تو وہیں امثال ضلع بنڈی پورہ کے ایک دیہات گاؤں داور کو مرکز کی جانب سے بیسٹ ٹوریسم ویلیج کا ایوارڈ دیا گیا ہے، جس سے وادی کی شان میں مزید اضافہ ہوا ہے۔
دہلی میں منعقد ایک تقریب کے دوران مرکزی وزارت سیاحت نے شمالی کشمیر کے ضلع بنڈی پورہ میں واقع داور (گریز) کو بیسٹ ٹوریسم ویلیج کے ایوارڈ سے نوازہ ہے۔ اس ایوارڈ کو جموں و کشمیر انتظامیہ کی طرف سے، سیکرٹری سیاحت ڈاکٹر سید عابد رشید شاہ نے حاصل کیا۔
اس حوالے سے ای ٹی وی بھارت سے بات کرتے ہوئے ایک سینئر افسر نے کہا کہ "داور کو گولڈن کیٹیگری میں اوارڈ دیا گیا ہے۔ امثال گریز کے بنیادی ڈھانچے کو بہتر کیا گیا، جس کے بعد دنیا بھر سے ٹورسٹ یہاں آئے۔ یہ ایوارڈ انتظامیہ اور عوام کی محنت کا نتیجہ ہے۔"
یہ بھی پڑھیں: پارلیمانی وفد کا لال چوک دورہ،مودی کی قیادت میں کشمیر ترقی کی راہ پر گامزن، ارکان پارلیمان
انہوں نے مزید کہا کہ"اس ایوارڈ کے بعد خطے میں سرحدی ٹوریسم کو فروغ ملے گا اور بین الاقوامی ٹرسٹس کی آمد میں بھی اضافہ ہوگا۔" واضح رہے امثال اب تک وادی کشمیر میں تقریباً 1.60 کروڑ ٹورسٹ آئے۔ ان میں تقریباً 40000 غیر ملکی بھی تھے۔
