خاتون کی جان بچانے والے سی آر پی ایف اہلکاروں کو اعزاز

جموں و کشمیر پولیس کے سربراہ دلباغ سنگھ نے ان تین سی آر پی ایف اہلکاروں کو اعزاز سے نوازا جنہوں نے گذشتہ دنوں سرینگر میں ایک خاتون کی خودکشی کرنے کی کوشش کو ناکام بنایا۔

سرینگر کے نٹی پورہ کی ایک خاتون نے بڈشاہ پل سے دریائے جہلم میں کودنے کی کوشش کی تھی، لیکن وہاں تعینات سی آر پی ایف اہلکاروں نے خاتون کو اس سخت قدم اٹھانے سے قبل ہی روک لیا۔

خاتون کی جان بچانے والے سی آر پی ایف اہلکاروں کو اعزاز

پولیس کے ایک بیان کے مطابق دلباغ سنگھ نے ان تین اہلکاروں بشمول گوپی لال، موہن لال اور رادیش کمار کو اعزازی سند دینے کے علاوہ دس ہزار روپے بھی بطور انعام دیے۔ دلباغ سنگھ نے کہا کہ 'سی آر پی ایف اہلکاروں کے ایسے اقدامات سے عوام میں سیکورٹی فورسز کی اچھی چھبی بنتی ہے'۔