جموں وکشمیر میں بدھ کے روز 540 ناول کوروناوائرس معاملے درج کئے گئے جن میں 67 مسافر شامل ہیں۔ نئے معاملوں کے ساتھ ہی جموں و کشمیر میں کووڈ-19 معاملوں نے 19 ہزار کا ہندسہ عبور کیا۔ تفصیلات کے مطابق 151 جموں سے اور 389 کشمیر سے درج کئے گئے۔
حکومت کی جانب سے جاری بیان میں بتایا گیا ہے کہ جموں و کشمیر میں کوروناوائرس سے ہلاکتوں کی کُل تعداد 348 ہو گئی ہے، جبکہ ریاست میں سرگرم معاملوں کی تعداد 7749 ہیں۔
انتظامیہ کی جانب سے جاری کئے گئے اعداد و شمار کے مطابق سری نگر میں 203، بارہمولہ میں 20، کولگام 15، شوپیاں 4، اننت ناگ 26، کپواڑہ 3، پلوامہ 67، بڈگام 45، بانڈی پورہ 3، گاندربل 3، جموں 49، کٹھوعہ 17، راجوری 33، ادھم پور 10، رمبن 8، سامبا 12، پونچھ 5، کشتواڑ 5 اور ڈوڈہ 6 مثبت معاملے پائے گئے۔
کشمیر میں سری نگر 4476 کیسوں کے ساتھ سرفہرست ہے جس کے بعد بارہمولہ 1835، کولگام 1491، شوپیان 1416، اننت ناگ 1258، پلوامہ 1363، کپواڑہ 1069، بڈگام 1228، بانڈی پورہ 678، اور گاندربل میں 387 کیس ہیں۔
جموں ڈویژن میں جموں ضلع میں 989، راجوری 633، رمبان 533، کٹھوعہ 511، ادھم پور 427، سامبا 404، ڈوڈہ 265، پونچھ 197، کشتواڑ 134 اور ریاسی میں 125 کیسز ہیں۔
یہ بھی پڑھیں: عید الاضحیٰ کے پیش نظر لاک داؤن میں دو دن کی نرمی
نئے معاملوں کے ساتھ ہی کشمیر میں مثبت کیسز کی تعداد 15201 اور جموں میں 4218 ہو گئی ہے۔ کل ملاکر خطہ میں 19419 کیسز پائے گئے ہیں۔
دریں اثنا 437 مریض صحت یاب ہوچکے ہیں اور انہیں مختلف اسپتالوں سے فارغ کردیا گیا ہے۔ ان میں جموں ڈویژن سے 70 اور وادی کشمیر سے 367 شامل ہیں۔
