پولیس ذرائع کے مطابق سیکورٹی فورسز کو منگل کی شام سرینگر کے مضافاتی علاقہ گلاب باغ میں عسکریت پسندوں کے چھپے ہونے کی اطلاع ملی تھی جس سے بعد سیکورٹی فورسز نے بستی کو محاصرہ میں لے لیا تھا۔
سرینگر کے گلاب باغ کا محاصرہ 18گھنٹوں کے بعد ختم
محاصرہ کے دوران سیکورٹی فورسز نے علاقے میں رہائشی مکانوں کی تلاشی لی تھی۔ رات بھر تلاشی کارروائی جاری رہنے کے بعد آپریشن میں سیکورٹی فورسز کو کوئی بھی کامیابی حاصل نہ ہوئی جس کے بعد محاصرے کو 18 گھنٹوں کے بعد ختم کیا گیا۔
مقامی لوگوں کا کہنا ہے کہ منگل کی شام کو محاصرے کے دوران گولیوں کی آوازیں بھی سنائی دی تھیں۔ انہوں نے کہا کہ ’’ایک عمارت کو نقصان بھی پہنچا ہے۔‘‘
تاہم پولیس کی جانب سے محاصرے کے متعلق کوئی بھی جانکاری نہیں دی گئی۔
