وادی کشمیر میں سخت گرمی کے بیچ محکمہ موسمیات نے بارش کی پیش گوئی کر دی ہے۔
محکمہ موسمیات کے ایک ترجمان کے مطابق وادی میں 11 سے 14 جون تک بارش ہونے کا امکان ہے۔
انہوں نے کہا کہ وادی میں 10 جون تک موسم خشک رہے گا تاہم 11 جون سے موسم کروٹ بدل سکتا ہے۔
ان کا کہنا تھا کہ اس دوران وادی میں بارش ہونے کا امکان ہے۔
وادی میں گذشتہ تین دنوں سے سخت گرمی پڑ رہی ہے جس سے راحت حاصل کرنے کے لئے لوگ پنکھوں اور دیگر الیکٹرانک آلات کا استعمال کر رہے ہیں۔
محکمہ موسمیات کے مطابق گرمائی دارالحکومت سری نگر میں گذشتہ روز زیادہ سے زیادہ درجہ حرارت 32.4 ڈگری سینٹی گریڈ ریکارڈ جبکہ کم سے کم درجہ حرارت 18.6 ڈگری سینٹی گریڈ ریکارڈ کیا گیا۔
وادی کے مشہور زمانہ سیاحتی مقام گلمرگ میں زیادہ سے زیادہ درجہ حرارت 22.8 ڈگری سینٹی گریڈ جبکہ کم سے کم درجہ حرارت 13.0 ڈگری سینٹی گریڈ ریکارڈ کیا گیا ہے۔
وادی کے دوسرے مشہور سیاحتی مقام پہلگام میں زیادہ سے زیادہ درجہ حرارت 27.1 ڈگری سینٹی گریڈ جبکہ کم سے کم درجہ حرارت 9.4 ڈگری سینٹی گریڈ ریکارڈ کیا گیا۔
سرحدی ضلع کپوارہ میں زیادہ سے زیادہ درجہ حرارت 32.8 ڈگری سینٹی گریڈ جبکہ کم سے کم درجہ حرارت 15.6 ڈگری سینٹی گریڈ ریکارڈ کیا گیا۔
کشمیر کے گیٹ وے ٹاؤن سے مشہور قصبہ قاضی گنڈ میں زیادہ سے زیادہ درجہ حرارت 32.2 ڈگری سینٹی گریڈ جبکہ کم سے کم درجہ حرارت 16.0 ڈگری سینٹی گریڈ ریکارڈ کیا گیا۔
جنوبی کشمیر کے ککرناگ میں زیادہ سے زیادہ درجہ حرارت 30.2 ڈگری سینٹی گریڈ جبکہ کم سے کم درجہ حرارت 16.1 ڈگری سینٹی گریڈ ریکارڈ کیا گیا۔
یو این آئی
