امرناتھ یاترا ملتوی

جموں کشمیر کی ریاستی انتظامیہ نے اعلان کیا کہ امرناتھ یاترا خراب موسمی حالات کی پیشگوئی کی وجہ سے 4 اگست تک ملتوی رہے گی۔

حکام کے مطابق محکمہ موسمیات نے آنے والے کچھ دنوں کیلئے بارش کی پیشگوئی کی ہے جس کے نتیجے میں سرینگر ۔جموں شاہراہ پر تودے گرسکتے ہیں۔

انہوں نے کہا کہ پہلگام اور بالہ تل سے گپھا تک جانے والے راستوں پر حالیہ بارش کی وجہ سے پھسلن بھی ہے جو تازہ بارش سے بڑھ سکتی ہے۔

حکام نے کہا کہ محکمہ موسمیات کی پیشگوئی کو مد نظر رکھتے ہوئے امرناتھ یاترا کو 4 اگست تک ملتوی رکھنے کا فیصلہ لیا گیا ہے۔
امرناتھ یاترا یکم جولائی سے شروع ہوگئی اور یہ 15 اگست تک جاری رہے گی۔