سرینگر: جموں کشمیر انتظامیہ نے امرناتھ گھپا تک جانے والی دو اہم سڑکوں کو باڈر روڈز آرگنائزیشن (بی آر او) کے حوالے کرکے انکی تعمیر و مرمت کی ہدایت دی ہے۔ یہ دو اہم سڑکیں پہلگام اور سونہ مرگ کی خوبصورت پہاڑیوں سےگزر کر یاتریوں کو امرناتھ گھپا تک لے جاتی ہیں۔ ان میں پہلگام علاقے کی چندنواڑی- شیش ناگ- پنچترنی اور سونہ مرگ میں بالتل سے امرنات گپھا اور رنگا سے بالتل تک کی سڑکیں ہے جن کی تعمیر و مرمت بی آر او کرے گی۔ Amarnath Cave Tracks Handed over To BRO for Maintenance
اس سے قبل ان سڑکوں کی تعمیر ومرمت محکمہ تعمیرات عامہ اور محکمہ سیاحت انجام دے رہے تھے۔ اس ضمن میں محکمہ تعمیرات عامہ نے ایک حکمنامہ جاری کرتے ہوئے بی آر او کو ہدایت دی ہے کہ وہ ان سڑکوں کی تعمیر و مرمت کے لئے محکمہ جنگلات سے، جہاں بھی ضرورت پڑے، اجازت طلب کرے۔ حکمنامہ میں بی آر او سے کہا گیا ہے کہ سپریم کوٹ اور ہائی کوٹ کے فیصلوں کو بھی پیش نظر رکھا جائے۔ ان سڑکوں کے تمام تعمیراتی پروجیکٹ کو متعلقہ اعلیٰ سطحی کمیٹی سے منظوری لینے کے بعد شروع کیا جائے۔ Govt Hands Over Amarnath Cave Tracks To BRO
حکمنامے میں مزید کہا گیا ہے کہ مذکورہ سڑکوں سے نیشنل ہائوے 501 کی تعمیر و مرمت میں کوئی خلل واقع نہیں ہونی چاہئے۔ اس میں مزید کہا گیا ہے کہ پبلک ورکس اور محکمہ سیاحت اپنے کنٹریکٹ اکتوبر 2022 تک مکمل کرے اور بقایہ رقم مارچ 2023 تک وصول کی جائے۔Amarnath Yatra Route maintenance
قابل ذکر ہے کہ امرناتھ گھپا تک جانے والی رابطہ سڑکیں پہلگام اور سونہ مرگ کے پہاڑوں سے گزرتی ہیں جن پر پیدل سفر ہی ممکن ہوتا ہے۔
مزید پڑھیں: Amarnath Yatra 2022 Concluded: امسال تین لاکھ 65 ہزار یاتریوں نے امرناتھ گپھا کے درشن کیے
