All Flights at Srinagar Airport Cancelled سرینگر ایئرپورٹ پر تمام 68 پروازیں منسوخ

سری نگر ہوائی اڈے کے ڈائریکٹر کلدیپ سنگھ نے اس بارے میں جانکاری فراہم کرتے ہوئے بتایا کہ تمام 68 پروازیں جن میں 34 آمد اور 34 روانگی شامل ہیں، آج منسوخ کر دی گئیں۔

جموں و کشمیر میں پیر کو تازہ برفباری کے باعث سری نگر کے بین الاقوامی ہوائی اڈے پر آج تمام پروازیں منسوخ کر دی گئیں۔
سری نگر ہوائی اڈے کے ڈائریکٹر کلدیپ سنگھ نے اس بارے میں جانکاری فراہم کرتے ہوئے بتایا کہ تمام 68 پروازیں جن میں 34 آمد اور 34 روانگی شامل ہیں، آج منسوخ کر دی گئیں۔

انہوں نے مزید کہا کہ سری نگر کے ہوائی اڈے میں کم بصارت (لو وزبلٹی) اور مسلسل برف باری کی وجہ سے ہوائی اڈے پر لینڈ کرنے والی اور پرواز کرنے والی تمام پروازیں منسوخ کرنی پڑیں۔

قابل ذکر بات یہ ہے کہ جموں و کشمیر کے زیادہ تر حصوں میں آج ہلکی سے شدید برفباری ہوئی، جس سے پورے کشمیر میں درجہ حرارت میں کمی آئی اور وزبلٹی بھی بہت کم رہی۔ محکمہ موسمیات نے کل موسم خشک ہونے کی پیش گوئی کر دی ہے