جموں وکشمیر میں کووڈ19 سے جہاں عام لوگ متاثر ہو رہے ہیں وہیں حاملہ خواتین کے اس مہلک وائرس میں مثبت پائے جانے کے بعد لوگوں میں تشویش پیدا ہوگئی ہے.
وادی کشمیر کے سب سے بڑے زچگی ہسپتال لل دید کے میڈیکل سپرانٹینڈنٹ ڈاکٹر شبیر صدیقی نے ایک ٹی وی بھارت کو بتایا کہ حاملہ خواتین کے کیسز میں اضافے کی وجہ یہ ہے کہ انتظامیہ نے تمام حاملہ خواتین کے ٹیسٹ شروع کئے ہیں جس سے انکی تعداد بڑھ گئی ہے۔
انکا کہنا ہے کہ اگرچہ حاملہ خواتین کا ٹیسٹ مثبت آنا تشویش والی بات نہیں ہے لیکن حاملہ خواتین کو کووڈ19 کے لیے جاری کئے گئے رہنما خطوط پر لازمی طور عمل کرنا چاہئے۔
انہوں نے کہا کہ حاملہ خواتین غیر ضروری طور ہسپتال یا کسی بھی طبی مرکز جانے سے گریز کریں۔
ڈاکٹر شبیر کے مطابق حاملہ خواتین کے لیے ایک خصوصی ہیلپ لائن دستیاب رکھی گئی ہے، جس پر حاملہ خواتین ماہرین سے فون پر ہی مشورہ حاصل کر سکتی ہیں۔
