سپریم کورٹ کی جانب سے زرعی قوانین کے نفاذ پر روک لگائے جانے کے باوجود آج پھر سے جموں میں عام آدمی پارٹی کے کارکنان نے کسانوں کی حمایت میں احتجاج کیا۔
عام آدمی پارٹی کے کارکنان نے مرکز کی مودی حکومت کے خلاف زبردست نعرے بازی کی اور زراعت سے متعلق مرکزی حکومت کے تینوں قانون کو واپس لینے کی اپنی مانگ کو دہرایا۔
گزشتہ دنوں سپریم کورٹ نے مرکزی حکومت کے نئے قوانین کو نافذ کرنے پر فی الحال روک لگانے کا حکم دیا ہے جبکہ کسان لیڈروں کا کہنا ہے کہ حکومت جب تک ان قوانین کو واپس نہیں لے لیتی تب تک وہ اپنی تحریک جاری رکھیں گے۔
یہ بھی پڑھیں: زرعی قوانین کی واپسی تک احتجاج جاری رہے گا: کسان یونین
احتجاج میں شامل لوگوں نے ای ٹی وی بھارت کے ساتھ بات کرتے ہوئے کہا کہ حکومت کسانوں سے ٹکراؤ کے حالات پیدا کرکے سپریم کورٹ کے احکامات کی خلاف ورزی کر رہی ہے۔
انہوں نے کہا کہ ان قوانین کو واپس نہیں لیا گیا تو وہ 26 جنوری کو لال قلعہ پہنچیں گے۔
