AAP Dissolves JK Cadre: عام آدمی پارٹی جموں وکشمیر یونٹ تحلیل

عام آدمی پارٹی نے پیر کے روز جموں و کشمیر یونٹ کو تحلیل کر دیا، تاکہ اس سے نئے سرے سے ترتیب دیا جا سکے۔ پارٹی کے الیکشن انچارج عمران حسین نے ایک ٹویٹ میں اس بات کی جانکاری دی۔AAP Dissolves JK Cadre

سرینگر:مستقبل قریب میں جموں وکشمیر میں ہونے والے اسمبلی انتخابات کے پیشِ نظر عام آدمی پارٹی نے پیر کے روز جموں و کشمیر یونٹ کو تحلیل کر دیا، تاکہ اس سے نئے سرے سے ترتیب دیا جا سکے۔پارٹی کے الیکشن انچارج عمران حسین نے ایک ٹویٹ میں اس بات کی جانکاری دی۔AAP Dissolves JK Cadre

عمران حسین نے کہا کہ عام آدمی پارٹی بہت جلد نئے یونٹ کا جلد اعلان کرے گی ۔ انہوں نے کہا کہ جموں و کشمیر میں آنے والے انتخابات اور حد بندی کی تکمیل کے پیش نظرعام آدمی پارٹی جموں و کشمیر میں گاؤں اور بوتھ سطح تک پارٹی کی تشکیل دے رہے ہے۔ انہوں نے کہا کہ جموں و کشمیر یونٹ کو تحلیل کرنے کا فیصلہ ملک بھر میں پارٹی کے توسیع کے ایک حصے کے طور پر لیا گیا ہے۔

عام آدمی پارٹی جموں وکشمیر یونٹ تحلیل

واضح رہے الیکشن کمیشن جموں و کشمیر کی حتمی انتخابی فہرستیں 31 اکتوبر کو شائع کرے گا، جو کہ حد بندی کی مشق میں اسمبلی سیٹوں کی حدود کو دوبارہ تیار کرنے کے بعد یونین ٹیریٹری کی پہلی ووٹر لسٹ ہوگی۔ عام آدمی پارٹی نے اس سال کے شروع میں پنجاب اسمبلی انتخابات میں اپنی شاندار جیت درج کی تھی اس کے بعد اروند کیجریوال کی زیرقیادت پارٹی ملک بھر میں اپنی بنیاد مضبوط کرنے کی کوششوں میں لگے ہیں ۔وہیں ان ریاستوں اور مرکز کے زیر انتظام علاقوں پر توجہ مرکوز کی گئی ہے جہاں اگلے دو سالوں میں اسمبلی انتخابات ہونے والے ہیں۔

ایک طرف جہاں جموں و کشمیر میں پارٹی کی توسیع کے لیے کوششیں کی جا رہی ہیں، وہیں سابق ریاستی وزیر یش پال کنڈل، سابق رکن اسمبلی بلونت سنگھ منکوٹیا، ڈی ڈی سی ممبر ترنجیت سنگھ ٹونی اور سابق کانگریس لیڈر سریندر سنگھ شنگاری روان برس کے اپریل میں عام آدمی پارٹی میں شامل ہوئے۔ان نمایاں چہروں کے ساتھ سو سے زیادہ مقامی لیڈران بشمول پنچائتی نمائندگان بھی 8 اپریل کو پارٹی میں شامل ہوئے۔جبکہ مئی میں نیشنل پینتھرس پارٹی کے چیئرمین ہرش دیو سنگھ بھی عام آدمی پارٹی میں شامل ہوئے تھے