جنوبی کشمیر میں شوپیاں ضلع کے کاپرن علاقے کو فورسز اہلکاروں نے مشترکہ طور پر عسکریت پسندوں کی موجودگی کی اطلاع ملنے پر سخت ترین محاصرہ میں لیکر تلاشی کارروائی شروع کر دی ہے۔
ذرائع کے مطابق فوج کی 34 راشٹریہ رائفلز، سی آر پی ایف اور جموں و کشمیر پولیس نے دو سے تین عسکریت پسندوں کی موجودگی کی خفیہ اطلاع ملنے پر علاقے کو محاصرے میں لے کر تلاشی کارروائی شروع کر دی ہے جو آخری اطلاع ملنے تک جاری تھی۔
شوپیاں میں سرچ آپریشن
ذرائع کے مطابق علاقے میں عسکریت پسند موجود ہیں اور انہیں ڈھونڈ نکالنے کی کوشش جاری ہے۔
