تفصیلات کے مطابق فوج کی 55 راشٹریہ رائفلز سی آر پی ایف کی 178 بٹالین اور جموں و کشمیر پولیس نے وچی زینہ پورہ علاقے کو محاصرے میں لے کر تلاشی کارروائی شروع کی۔
سکیورٹی اہلکاروں نے عسکریت پسندوں کی موجودگی کی خفیہ اطلاع ملنے پر علاقے کو محاصرے میں لے کر تلاشی کارروائیاں شروع کی ۔ مقامی لوگوں کے مطابق سکیورٹی اہلکاروں نے وچی علاقے میں روشنی کا انتظام کر کے شبانہ محاصرہ شروع کیا ہے اور گھر گھر تلاشی کی کارروائیاں شروع کردی ہیں۔
واضح رہےکہ تلاشی آپریشن کا آج تیسرا دن ہے، اس سے قبل سکیورٹی اہلکاروں نے ضلع کے چک چولند اور درپورہ علاقے میں اسی طرح کا تلاشی آپریشن عمل میں لایا تھا۔ تاہم عسکریت پسندوں کے ساتھ کوئی آمنا سامنا نہ ہونے کی وجہ سے دونوں علاقوں میں تلاشی آپریشن ختم کردیا گیا۔
