جنوبی کشمیر کے ضلع شوپیاں میں محکمہ یوتھ سروسز اینڈ اسپورٹس کی جانب سے پی ٹی ٹیچرز کے لیے اورینٹیشن پروگرام کا انعقاد کیا گیا۔ جس میں (پی ٹی) فزیکل ٹرینرز اساتذہ نے شرکت کی۔
اس پروگرام کا مقصد نوجوان نسل کو کھیل کی جانب راغب کرنا ہے جس سے نہ صرف ان کی جسمانی نشوو نماء ہو سکے گی بلکہ وہ اپنا وقت صحت مند سرگرمیوں میں وقف کریں گے۔
ڈسٹرکٹ اسپورٹس افسر شوپیاں، گورمکھ سنگھ نے بتایا کہ 'تعلیمی نظام کو موثر بنانے، بچوں کو کھلیوں کی طرف مائل کرنے اور نئے کھلیوں کو فروغ دینے کے مقصد سے اسکولوں کے فزیکل ٹرینرز اساتذہ اور طلبا کے لیے اورینٹیشن پروگرام کی مہم کا آغاز کیا۔
انہوں نے بتایا کہ یہ اورینٹیشن کورس ڈائریکٹر جنرل ڈاکٹر سلیم الرحمان کی ہدایات پر ہر ضلع میں چلائی جائیں گی جس کی شروعات ہم نے شوپیاں ضلع سے کی۔
گورمکھ سنگھ کا کہنا تھا کہ 'کھلیوں کے فروغ کے لیے اقدامات کی ضرورت ہے نوجوانوں میں صلاحیت موجود ہے ان کی حوصلہ افزائی کی جائے تاکہ وہ اپنا بہتر کارکردگی کا مظاہرہ پیش کر سکیں۔ انہوں نے کہا اس سے نوجوان نشے کی لت سے بھی بچ سکتے ہیں۔
