جنوبی کشمیر کے ضلع شوپیان کے ناگہ بل علاقے میں قائم تیرتھ راج کپال موچن مندر میں مہا شیو راتری کے موقع پر کسی بھی عقیدت مند کی حاضری نہ ہونے کے سبب مندر کی گزشتہ 10 برسوں سے دیکھ بھال کرنے والے مسلم شخص غلام قادر شیخ نے مندر میں دیے اور اگر بتیاں جلا کر ہندو مسلم بھائی چارے کی مثال کو ایک بار پھر سے زندہ کیا ہے۔
مہا شیو راتری کے موقع پر مندر میں مسلم شخص نے دیے جلائے
غلام قادر نے بتایا کہ وہ یہ کام صرف بھائی چارے کے لیے کر رہے ہیں۔ اگرچہ محکمہ ٹورزم ڈیولپمنٹ اتھارٹی نے غلام قادر کو دو مہینوں تک مندر کی دیکھ بھال کے لیے کچھ پیسہ دیے تھے۔ تاہم اس کے بعد آج تک انہیں مندر کی دیکھ بھال کے لیے کوئی تنخواہ نہیں دی گئی ہے۔
اس موقع پر ہندو عقیدت مند شیو کی پوجا کرتے ہیں۔ عقیدت مند شیو کا آشیرواد حاصل کرنے کے لیے شیو مندروں میں بھی جاتے ہیں۔
