ترکہ وانگام میں آئی ای ڈی برآمد، فورسز نے ناکارہ بنا دیا

ضلع شوپیان کے ترکہ وانگام علاقے میں عسکریت پسندوں نے سڑک پر ایک آئی ای ڈی نصب کر رکھا تھا لیکن سیکورٹی اہلکاروں کی جانب سے آئی ای ڈی کو ناکارہ بنا دیا گیا۔

جنوبی کشمیر کے ضلع شوپیان میں فوج نے دھماکہ خیز مادہ آئی ای ڈی کو ناکارہ بنا دیا ہے۔

تفصیلات کے مطابق ضلع شوپیان کے ترکہ وانگام علاقے میں عسکریت پسندوں نے سڑک پر فوج کی 44 راشٹریہ رائفلز کی ایک گاڑی کو نشانہ بنانے کی غرض سے آئی ای ڈی نصب کر رکھا تھا۔ تاہم فوج نے اس کوشش کو ناکام بناتے ہوئے آئی ای ڈی کو ناکارہ بنا دیا۔ برآمد شدہ آئی ای ڈی کو دور دراز مقام پر لے جا کر ناکارہ بنایا گیا۔

فورسز اہلکاروں نے علاقے کو محاصرے میں لے کر عسکریت پسندوں کی تلاش شروع کر دی ہے۔