شوپیاں میں انکاؤنٹر، 2 عسکریت پسند ہلاک

جنوبی کشمیر کے ضلع شوپیان میں سیکیورٹی فورسز اور عسکریت پسندوں کے مابین انکاؤنٹر جاری ہے۔

جنوبی کشمیر کے شوپیاں ضلع میں سیکیورٹی فورسز اور عسکریت پسندوں کے مابین انکاؤنٹر کے دوران 2 عسکریت پسندوں کے ہلاک ہونے کی خبر ہے۔

تفصیلات کے مطابق فورسز اہلکاروں کو علاقے میں عسکریت پسندوں کی موجودگی کی اطلاع موصول ہوئی تھی جس کے بعد سیکیورٹی فورسز نے پورے علاقے کو محاصرہ میں لے لیا۔ تلاشی کے دوران سکیورٹی فورسز اور عسکریت پسندوں کے درمیان تصادم ہو گیا۔ اس دوران دو عسکریت پند ہلاک ہو گئے۔ تادم تحریر انکاؤنٹر جاری ہے۔

سکیورٹی فورسز نے موقع واردات سے ایک اے کے-47 ضبط کی ہے۔ کوگ سکیورٹی فورس پر پتھربازی کی۔ سکیورٹی فورس نے لوگوں کو جگہ سے ہٹانے کے لیے دھونئیں کا استعمال کیا۔ علاقے میں انٹرنیٹ کی سہولت معطل کر دی ہے۔