شوپیان کے ڈپٹی کمشنر ڈاکٹر اویس احمد نے اپنے دفتر منی سکریٹریٹ آرہامہ شوپیان میں منعقدہ پریس کانفرنس کے ذریعے لوگوں کو سرکاری اسکیم'بیک ٹو ولیج'سے متعلق تفصیلات فراہم کی۔
پریس کانفرنس کے دوران انہوں نے کہاکہ مذکورہ اسکیم کے تحت ہر پنچایت میں افسران کی خصوصی ٹیمیں پہنچے گی اور عوام کو سرکاری اسکیموں سے متعلق جانکاری دی جائے گی۔
''بیک ٹو ولیج'' دیہی مسائل کے حل میں معاون: کمشنر
واضح رہے کہ ضلع کی تمام پنچایتوں میں ترقی کے کاموں اور عوام کو درپیش مسائل سے واقفیت کے لیے سرکار کی جانب سے چلائی گئی مہم کے تحت 20 جون سے 27 جون تک مختلف محکمہ جات کے 35 سینیئر افسران اور دیگر ملازم ہر پنچایت میں خصوصی دورہ کرینگے۔
انھوں نے مزید کہا کہ اس اسکیم کا مقصد یہ کہ ایک گیزٹ آفیسر پنچایت میں جائے اور پنچایت میں رہنے والی عوام کے تمام مسائل کو سمجھے اور ایک رات وہیں پر قیام کرے۔
