جنوبی کشمیر کے ضلع شوپیاں میں فوج کی 34 راشٹریہ رائفلز نے حرمین میں یک روزہ میلہ کا انعقاد کیا جس میں کافی تعداد میں نوجوانوں، بچوں اور مرد و زن نے شرکت کی۔
اس میلے کو کامیاب بنانے کے لئے حرمین اور اسکے ملحقہ علاقوں سے آئے ہوئے تقریباً 1000 افراد نے حصہ لیا۔ اس دوران کھیلوں کا انعقاد کیا گیا جس کو سب نے سراہا۔
میلے میں فوج کے علاوہ مقامی لوگوں نے اسٹال لگائے جہاں بچوں کے لیے کھلونے، کھانے پینے کی اشیاء،لاٹری، گیمز وغیرہ کے اسٹال موجود تھے۔
میلے میں فوج کی جانب سے ایک میڈیکل کیمپ بھی لگایا گیا، جس دوران ڈاکٹروں نے بیمار بزرگوں کا علاج و معالجہ کیا اور لوگوں میں مفت دوا تقسیم کی۔
یہ بھی پڑھیے
نئی اسکیم سے سیب کے تاجر ناخوش
میلے میں بریگیڈیر وی ایس ٹھاکر کمانڈر سیکٹر 2 راشٹریہ رائفلز مہمان خصوصی تھے جبکے ان کے ہمراہ کمانڈنگ افسر 34 راشٹریہ رائفلز ساکیت بردواج بھی موجود تھے۔
مقابلہ جیتنے والوں اور لاٹری کے ٹیکٹ جیتنے والوں میں بریگیڈیر وی ایس ٹھاکر نے انعامات بھی تقسیم کیے۔
اس قسم کا پروگرام دیکھ کر مقامی لوگ بہت خوش ہوئے اور انہوں نے فوج سے درخواست کی کہ وہ اس طرح کے میلوں کو آگے بھی جاری رکھے۔
