سانبہ میں پُراسرار گرینیڈ دھماکہ

جموں و کشمیر کے ضلع سانبہ میں گرینیڈ دھماکہ ہوا جس سے کسی قسم کا کوئی نقصان نہیں ہوا۔

ضلع سانبہ کے ایک علاقے میں گذشتہ شب ایک پُر اسرار گرینیڈ دھماکہ ہوا جس سے کسی قسم کا کوئی نقصان نہیں ہوا۔ پولیس نے بدھ کی صبح علاقے میں جاکر تحقیقات شروع کی۔

اطلاعات میں پولیس حکام کا حوالہ دیتے ہوئے بتایا گیا ہے کہ ند چیک پوائنٹ پر موجود پولیس اہلکاروں نے گذشتہ رات دیر گئے ایک دھماکہ سنا۔آج صبح جب علاقے کی تلاشی کارروائی عمل میں لائی گئی تو معلوم ہوا کہ یہ دھماکہ چیک پوائنٹ سے کچھ بیس میٹر کے فاصلے پر ہوا تھا۔

اطلاعات کے مطابق پولیس نے معاملے کی تحقیقات شروع کی ہے۔