دس گھنٹوں تک ٹریفک کی آمد و رفت بند رہنے کے بعد وادی کشمیر کو زمینی راستے سے ملک کے دیگر حصوں کے ساتھ جوڑنے والی 270 کلو میٹر لمبی جموں - سرینگر قومی شاہراہ کو بدھ کی دوپہر بحال کر دیا گیا۔
سرینگر جموں شاہراہ پر ضلع رام بن میں کیفٹریہ موڑ کے مقام پر منگل اور بدھ کی درمیانی شب مٹی کا تودہ گر آنے کے سبب شاہراہ کو ٹریفک کی آمد و رفت کے لیے بند کر دیا گیا تھا۔
مٹی کا تودہ گرآنے کے سبب شاہراہ کے دونوں طرف سینکڑوں مسافر اور مال بردار گاڑیاں درماندہ ہو گئی تھی۔
مزید پڑھیں: Suspicious Drone: جموں کے ارنیہ سیکٹر میں مشکوک ڈرون کا گشت
شاہراہ پر ٹریفک بحال کرنے کے لیے عملہ اور مشینری کو فوری طور تعینات کیا گیا اور بدھ کی دوپہر ہائی وے کو بحال کرنے کا کام مکمل کیے جانے کے بعد درماندہ گاڑیوں کو روانہ ہونے کی اجازت دی گئی۔
ہائی وے پر ٹریفک کی آمد و رفت بحال ہونے سے مسافروں نے راحت کی سانس لی۔
