جموں کشمیر کے پہاڑی ضلع رامبن میں ضلع ترقیاتی کونسل انتخابات کے دوسرے مرحلے کی دو نشستوں پر ووٹنگ کافی پرامن اور سخت سیکورٹی انتظامات کے ساتھ اختتام پذیر ہوئی۔
رامبن کے دونوں بلاک بانہال اے اور بانہال بی میں مجموعی طور پر ووٹنگ کی شرح 66.23 فصید درج کی گئی ہے۔ وہیں دونوں بلاکوں کے لیے کل 80 پولنگ مراکز قائم کیے گیے تھے جن میں بانہال اے میں 46 اور بانہال بی میں 34 پولنگ مراکز قائم کیے گئے تھے۔
بانہال اے میں 9799 ووٹ پول کیے گئے جبکہ بانہال بی میں 8912 ووٹ پول ہوئے، واضح رہے کہ بانہال اے خواتین کے لیے مخصوص سیٹ تھی جہاں سے آٹھ خواتین انتخابی میدان میں تھیں جبکہ بانہال بی میں 7 امیدواروں تھے۔
واضح رہے کہ جموں و کشمیر میں ڈی ڈی سی انتخابات کے دوسرے مرحلے کے تحت 43 حلقوں میں ووٹنگ کا عمل آج صبح سات بجے سے شروع ہو کر دو بجے تک جاری رہا۔
وہیں دوپہر 1 بجے تک ووٹنگ کی شرح 40.31 درج کی گئی۔ کشمیر صوبے میں ووٹنگ کی شرح 27.84 رہی جبکہ جموں صوبے میں 54.10 فیصد رپورٹ کی گئی۔
جموں و کشمیر میں ڈی ڈی سی انتخابات پہلی مرتبہ منعقد کیے جارہے ہیں جو کہ آٹھ مرحلوں میں انجام دیے جائنگے اور نتائج کا اعلان 22 دسمبر کو ہگا۔
