رامبن کے ساونی علاقہ میں آتشزدگی

رامبن کے ساونی علاقے میں آتشزدگی کے ایک واقعہ میں تین منزلہ رہائشی مکان جل کر خاکستر ہو گیا ہے۔

جموں کشمیر کے ضلح رامبن کے علاقہ ساونی میں دیر رات گئے ایک تین منزلہ رہائشی مکان میں اچانک آگ نمودارہوئی جس کی وجہ سے مکان اور اس میں موجود نقد کچھ زیورات بھی جل کر راکھ ہو گئے۔

پولیس ذرائع کے مطابق چندرکورٹ صدر مقام سے تیرہ کلو میٹر دوری پر واقعہ ساونی گزشتہ میں درمیانی شب کو بلون سنگھ کشوری لعل پسران امر چند ساکنہ ساونی چندرکورٹ کے تین منزلہ رہایشی مکان میں اچانک آتشزدگی کی واردات پیش آئی جس کے نتیجے میں مکان کی تینوں منزلیں جل کر تباہ ہوگئیں۔

اس آتشزدگی کی واردات میں گھر کا سارا سامان مکمل طور جل کر راکھ ہو گیا تاہم مقامی لوگوں اور پولیس کی مدد سے جانی نقصان ہونے سے بچا لیا گیا۔

انہوں نے کہا کہ مکان میں آگ لگنے کی وجوہات ابھی تک معلوم نہ ہو سکیں البتہ پولیس کی تحقیقات شروع کردی ہے۔