مقامی لوگوں کا کہنا ہے کہ پنچایت "مسوا" اند گاؤں نومبر کے پہلے ہفتے میں ہی بستی کے لئے نصب کیا گیا ٹرانسفارمر خراب ہوگیا تھا اور اس کے بعد محکمہ بجلی کے ایجنروں اور اہلکاروں نے مرمت اور ترسیلی لائنز کو ٹھیک کر نے کی زحمت نہ کی جس کی وجہ گاؤں کے ایک سو سے زیادہ گھر کے افراد پچھلے تین ماہ سے گہرے اندھیرے میں رہنے پر مجبور ہیں۔
انہوں نے کہا کہ کئی مرتبہ محکمہ کے افسروں سے مرمت اور ترسیلی لائنز کو ٹھیک کرانے کی التجا کرنے کے باوجود انتظامیہ نے اس جانب کوئی خاطر خواہ اقدامات نہیں کیے گئے ہیں۔
عوام کے مطابق ایک جانب سے محکمہ بجلی کو فعال بنانے کی غرض سے انتظامیہ مختلف اسکیمز کی راگ الاپنے میں کوئی موقع نہیں چھوڑتے ہیں لیکن زمینی سطح پر بجلی نظام بہتر بنانے کے لیے کوئی کام نہیں کیا گیا۔
اس سلسلے میں ای ٹی وی بھارت نے سب ڈویژن مجسٹریٹ گول غیاث الحق سے رابط کیا انہوں نے یقین دہانی کروائی کہ گاؤں میں ایک ہفتے کے اندر بجلی کی ترسیلی لائنز کی مرمت کرکے بجلی بحال کردی جائے گی۔
