ایس ایس پی رامبن حسیب الرحمان کے مطابق 30 جولائی 2020 بانہال پولیس کو ڈولیگام علاقہ کے دور دراز ٹھنڈی چھاہ جنگل میں ایک سنسان مقام پر لاش ملنے کی اطلاع موصول ہوئی تھی۔
اطلاع پر فوری بعد کاروائی کے تحت پولیس موقع واردات پر پہنچ کر لاش کو اپنے قبضہ میں لیکر قانونی لوازمات پورے کر کے پوسٹ مارٹم کیلیے سب ضلع ہسپتال بانہال منتقل کر دیا۔
شناخت کے بعد ہلاک شدہ شبینہ بانو عمر 21 سال دختر بشیر احمد وانی ساکنہ سلاڈ وگن تحصیل بانہال ضلع رامبن کو کاستی گڑھ ضلع ڈوڈہ کے رہنے والے عاشق حسین ولد گل محمد بٹ نے 29 جون 2020 کو شادی کا جھانسہ دیکر لڑکی کے ساتھ زیادتی کی جس سے اسے حمل ٹھہر گیا۔
حمل کو ضائع کرنے کی تمام کوشیش ناکام ہونے کے بعد عاشق نے اپنے ایک ساتھی نصیر احمد زودہ ولد غلام حسین زودہ ساکنہ چنجلو بانہال ضلع رامبن کے ساتھ مل کر سازش کے تحت ہلاک شدہ خاتون کو شادی کرنے کا جھانسہ دیکر ڈولیگام کے جنگلوں کی طرف لے گئے۔ بعد ازاں، انہوں نے ایک سنسان مقام شالکوٹ دن کے قریب 2 بجے لڑکی کا قتل کردیا اور موقع واردات سے فرار ہوگیے۔
تاہم پولیس کی بروقت اور پیشہ ورانہ صلاحیت کی وجہ سے دونوں قاتل گرفتار کر کے بانہال پولس اسٹیشن میں تعزیرات ہند کے تحت معاملہ درج کر کے دونوں ملزمین کو جیل کے سلاخوں میں ڈال دیا ہے۔
