ای ٹی وی بھارت کے نمائندے کے مطابق مقامی لوگوں نے قومی شاہراہ پر احتجاج کرتے ہوئے فوج کے خلاف جم کر نعرے بازی کی۔
نمائندے نے بتایا کہ احتجاج کی وجہ سے قومی شاہراہ پر کئی گھنٹوں تک گاڑیوں کی آمد و رفت معطل رہی۔
مقامی لوگوں نے الزام عائد کرتے ہوئے ای ٹی وی بھارت کے نمائندے کو بتایا کہ مقامی ٹھکیدار جنید احمد ولد آصف احمد اپنے نجی گاڑی سے بانہال کی طرف جا رہے تھے، اچانک فوج کے اہلکاروں نے گاڑی روک دی اور ان کی جم کر پٹائی کی۔
نمائندے نے بتایا کہ گاڑیوں کی آمد و رفت کئی گھنٹوں تک معطل رہنے کے بعد ایس ایچ او اور ایس ڈی پی او بانہال کی مداخلت اور یقین دہانی کے بعد احتجاج کو واپس لیتے ہوئے ٹریفک کو بحال کر دیا ۔
واضح رہے کہ پلوامہ حملے کے بعد مرکزی حکومت کی جانب سے ایک حکمنامہ جاری کیا گیا تھا جس میں جموں - سرینگر قومی شاہراہ پر عارضی طور پر پابندی عائد کی گئی تھی، جس کے بعد جنوبی کشمیر میں فوج کی جانب سے عام شہری کے مبینہ مار پیٹ کرنے کے متعلق کئی ویڈیوز سوشل میڈیا پر وائرل ہوئے تھے۔
وہیں حال ہی میں قومی شاہراہ پر ڈائریکٹر فائنانس امتیاز احمد وانی کے والد کی لاش کو گھر لے جانے کی اجازت نہیں دی گئی تھی۔
