رام بن: ڈی سی رام بن سمیت پولیس و فوجی افسران نے ضلع رام بن میں عقیدت مندوں کا پرتپاک استقبال کیا۔ Ramban Admin Welcomes Devotees وسطی کشمیر کے گاندربل ضلع میں واقع ماتا کھیر بھوانی مندر میں شروع ہوئے میلے میں وادی کشمیر سمیت دیگر اضلاع و ریاستوں سے مہاجر پنڈتوں، ہندو عقیدت مندوں کی خاصی تعداد سالانہ میلہ میں شرکت کرکے اپنی عقیدت کا اظہار کرتے ہیں۔
ضلع انتظامیہ رام بن کی جانب سے ضلع میں عقیدت مندوں کی سیکورٹی کے سخت انتظامات کیے گئے ہیں، وہیں عقیدت مندوں کے لیے مختلف مقامات پر لنگروں کا بھی اہتمام کیا گیا ہے۔ Ramban Admin Welcomes Mata Kheer Bhawani Ji Devotees عقیدت مندوں نے انتظامیہ کی جانب سے کیے گئے انتظامات پر اطمینان کا اظہار کیا۔ جموں سے گاندربل جا رہے ایک عقیدت مند نے میڈیا نمائندوں کے ساتھ بات کرتے ہوئے کہا کہ وہ ’’ماتا سے جموں و کشمیر سمیت پورے عالم میں امن و مان کے لئے دعا مانگیں گے۔‘‘
