Mass Resignation of Panches, Sarpanches: بانہال کے پنچایتی نمائندگان کی اجتماعی استعفیٰ دینے کی دھمکی محکمہ دیہی ترقی پر سنگین الزامات

’’مرکزی سرکار اور جموں کشمیر انتظامیہ نے یہ دعوی کیا تھا کہ سرپنچوں اور پنچوں کو اختیارات دئے جائیں گے تاہم افسر شاہی دور میں یہ اعلانات محض کاغذوں کی حد تک ہی محدود دکھائی دے رہے ہیں۔‘‘ Mass Resignation of Panches

رام بن: ضلع رام بن میں دیہی ترقیاتی بلاک کھڑی کے بعد بلاک بانہال سے تعلق رکھنے والے ایک درجن کے قریب سرپنچوں اور ایک درجن سے زائد پنچوں نے اپنے مطالبات نہ ماننے کی صورت میں استعفیٰ دینے کی دھمکی دی ہے۔ انہوں نے بلاک ڈیولپمنٹ آفیسر بانہال کو تحریر طور دی گئی درخواست میں کہا ہے کہ اگر ان کے مطالبات کی فہرست کو نہیں مانا گیا تو اسی تحریری درخواست کو ہی ان کا استعفیٰ تصور کیا جائے۔ سرپنچوں نے محکمہ دیہی ترقیات پر سنگین نوعیت کے الزامات لگائے ہیں۔ Mass Resignation of Panches and Sarpanches in Banihal

مستعفیٰ ہونے والے سرپنچوں میں سرپنچ غلام رسول ماتو ، محمد رفیق خان ، عبدالجبار حجام ، عقیل احمد بیگ قابل ذکر ہیں ۔ انہوں نے مطالبات کی ایک فہرست بی ڈی او بانہال کو پیش کی ہے جس میں منریگا کے تحت 2016/17 کی رقومات کو واگزار کرنے ، فنانشل کمیشن 2014 کے تحت بقایا پڑی رقومات کی واگزاری ، پرائم منسٹر اواس یوجنا کے تحت غریبوں کو دیئے جانے والے مکانوں کیلئے پنچایتی نمائندوں کی طرف سے بھیجی گئی مستحق افراد کی فہرستوں کو مکان دیئے جانے ، مقامی نوجوانوں کو فورلین اور ریلوے پروجیکٹ میں نوکری فراہم کرنے کے مطالبات شامل ہیں۔ Panches Sarpanches Mass Resignation

انہوں نے الزام لگایا کہ کئی سال پہلے پنچایتوں میں انجام دیئے گئے مختلف کاموں کے میٹریل کی رقم مبینہ طور پر واگزار کرنے کے بعد بانہال بلاک کے کچھ ملازمین کیطرف سے ہڑپ کی گئی یے اور اس کی تحقیقات کی جائے۔ انہوں نے الزام لگایا کہ پرائم منسٹر آواس یوجنا کے تحت مفت مکانوں کیلئے پنچایتی نمائندوں کی طرف سے دی گئی فہرستوں کو محکمہ دیہی ترقیات بانہال کے ملازمین تبدیل کرکے من مرضی کے افراد کو مبینہ طور رشوت لیکر شاملِ فہرست کر رہے ہیں۔