جموں کشمیر کے پہاڑی ضلع رامبن کے سب ڈویژن رامسو میں دو مختلف سڑک حادثات کے دوران پانچ افراد زخمی ہو گئے ہیں، جبکہ دونوں حادثات میں کسی کے فوت ہونے کی کوئی اطلاع نہیں ہے۔
پولیس ذرائع کے مطابق ایک آلٹو کاراکھڑہال سے سینابھتی کی جانب جا رہی تھی کہ اچانک کسکوس کے مقام سے سڑک سے پھسل کر50 فٹ گہری کھائی میں جا گری جس کے نتیجے میں اس میں سوار ہارون اقبال ولد محمد اقبال، انکی اہلیہ آسیہ بیگم اور یاسمین بیگم زوجہ محمد امتیاز زخمی ہوگئے۔
مقامی لوگوں اور پولیس نے زخمیوں کو نکال کر پی ایچ سی اکھڑہال منتقل کیا جہاں ابتدائی طبی امداد کے بعد انہیں ضلع ہسپتال رامبن ریفر کر دیا گیا ہے۔
مزید پڑھیں؛ کشمیری نوجوان پر جان لیوا حملہ، زخمی نوجوان کے گھر میں ماتم
دریں اثنا ضلع میں ایک اور سڑ ک حادثہ بٹرو کے مقام پر پیش آیا۔ اطلاعات کے مطابق کام کے دوران جے سی بی زیر تعمیر سڑک سے لڑھک کر جھاڑیوں میں جا گری جس کے نتیجے میں جے سی بی آپریٹر صدام حسین ولد محمد موسیٰ، ہیلپر جمشید احمد ولد عبد القیوم کٹوچ ساکنان تحینال زخمی ہو گئے۔
دونوں کو پی ایچ ڈی اکھڑہال منتقل کیا گیا ہے۔
پولیس دونوں حادثوں کی جانچ میں مصروف ہے۔
