ضلع رام بن میں بین مدارس ٹورنامنٹ کا انعقاد

درس و تدریس کے ساتھ ساتھ کھیل کود کی سرگرمیاں بھی بے حد ضروری ہیں۔ ان کے مطابق کھیل کود سے نہ صرف طلباء جسمانی طور تندرست رہتے ہیں بلکہ اس سے وہ ذہنی تناؤ کا شکار ہونے سے بھی بچ جاتے ہیں۔

جموں وکشمیر کے پہاڑی ضلع رام بن میں محکمۂ یوتھ سروسز اینڈ اسپورٹس کی جانب سے طلباء کے لیے مختلف کھیل مقابلوں کا انعقاد کیا گیا جن میں ضلع کے مختلف اسکولوں سے تعلق رکھنے والے طلباء نے شرکت کی۔ طلباء کی حوصلہ افزائی کے لیے مقامی باشندوں سمیت ضلع انتظامیہ کے کئی افسران موجود تھے۔

رام بن میں محکمۂ یوتھ سروسز اینڈ اسپورٹس کی جانب سے ہائر سکینڈری اسکول رام بن میں انٹر زون کھیل مقابلوں کا انعقاد کیا گیا جن میں درجنوں مقامی طلبہ نے شرکت کی۔

محکمۂ یوتھ سروسز اینڈ اسپورٹس کے افسران نے بتایا کہ ٹورنامنٹ میں کھوکھو اور کبڈی مقابلوں کا انعقاد عمل میں لایا گیا، تاہم ان کے مطابق مستقبل میں دیگر کھیل مقابلوں کا بھی انعقاد کیا جائے گا۔

ٹورنامنٹ میں شرکت کرنے والے طلباء نے بتایا کہ عالمی وبا کورونا وائرس کے سبب عائد لاک ڈائون کے دوران طلباء گھروں میں محصور ہوکر رہ گئے تھے، انکے مطابق طلباء ذہنی تنائو کے شکار ہورہے تھے۔

انہوں نے کہا کہ درس و تدریس کے ساتھ ساتھ کھیل کود کی سرگرمیاں بھی بے حد ضروری ہیں۔ ان کے مطابق کھیل کود سے نہ صرف طلباء جسمانی طور تندرست رہتے ہیں بلکہ اس سے وہ ذہنی تناؤ کا شکار ہونے سے بھی بچ جاتے ہیں۔

انہوں نے مستقبل میں بھی اس طرح کے ٹورنامنٹس کے انعقاد کی امید کا اظہار کیا۔