جموں و کشمیر کے پہاڑی ضلح رامبن میں آگ کی ہولناگ واردات (Fire Incident) میں پانچ دکانیں مکمل طور سے جل گئیں۔ جانکاری کے مطابق ضلع رامبن سے تین کلومیٹر قومی شاہراہ پر واقع سیری میں اچانک آگ لگی جس کے نتیجہ میں تقریبا پانچ دکانیں مکمل طور پر راکھ ہو گئیں۔ آگ لگنے کی وجہ ابھی تک معلوم نہیں ہو سکی ہے۔
مقامی لوگوں نے الزام لگایا کہ محکمہ فائر اینڈ ایمرجنسی سروسز کی جانب سے جب تک بچاؤ مہم شروع کی گئی تب تک دکانیں جل کر راکھ ہو گئی تھیں۔
یہ بھی پڑھیں: رامبن: اکڑحال میں چوری کی واردات، دس دکانوں میں لوٹ
انہوں نے کہا کہ محکمہ فائر اینڈ ایمرجنسی کا ہیڈکوارٹر چندروگ میتراہ میں ہے جبکہ قصبہ قدیم میں محکمہ کی کوئی گاڑی نہیں ہوتی ہے۔ اس وجہ سے آگ بجھانے میں اکثر تاخیر ہوتی ہے۔ انہوں نے متاثرہ دکانداروں کو معاوضہ اور رامبن قصبہ میں فائر اسٹیشن کھولنے کا مطالبہ کیا ہے۔
