پولیس ذرائع کے مطابق ضلع اننت ناگ کے کوکرناگ علاقے سے ادھمپور جا رہی ایک گاڑی پر ایک درخت گر آیا جس کے نتیجے میں گاڑی کا ڈرائیور موقعے پر ہی ہلاک جبکہ کنڈیکٹر لیاقت علی شدید زخمی ہو گئے۔
یہ حادثہ ضلع رامن بن میں جموں - سرینگر قومی شاہراہ پر کیلا موڑ کے مقام پر پیش آیا۔
ضلع رام بن میں گاڑی پر درخت گر آنے سے ڈروائیور ہلاک
حادثے کی خبر سنتے ہی مقامی رضاکاروں اور پولیس نے بچاؤ مہم شروع کرکے زخمی شخص کو فوری طور اسپتال پہنچایا جہاں وہ اس وقت زیر علاج ہیں۔
ہلاک ڈرائیور کی شناخت ادھمپور کے رہنے والے فرید احمد بکروال کے طور پر ہوئی ہے۔
قانونی لوازمات کے بعد لاش کو آخری رسومات کے لئے لواحقین کے سپرد کر دیا گیا۔
اس ضمن میں رام بن پولیس نے معاملہ درج کر کے مزید کارروائی شروع کردی ہے۔
