رامبن: جموں و کشمیر کے ضلع رامبن میں چوتھا فینسنگ چیمپیئن شپ کا انعقاد کیا گیا۔ جس میں ضلع کے مختلف علاقوں سے تقریباً ایک سو پچاس طلباء نے شرکت کی۔ اس پروگرام میں مہمان خصوصی ایڈیشنل ڈپٹی کمشنر رامبن ہربنس لعل شرما نے شرکت کی۔ وہیں مہمان ذی وقار دھرم ویر سنگھ ضلع اسپورٹس افسر رہے۔ پروگرام میں شرکت کے دوران اے ڈی سی رامبن نے طلباء کو مبارکباد دیتے ہوئے کہا کہ طلبا نے فینسنگ میں ضلع رام بن سے ملکی سطح پر نمائندگی کی۔ واضح رہے کہ ضلع رامبن سے تعلق رکھنے والے سفیان وحید اس وقت ملکی سطح پر جموں و کشمیر کی نمائندگی کر رہے ہیں۔ جنہیں کھیلو انڈیا کے تحت مرکزی حکومت کی معاونت کے زریعے پٹیالہ اسپورٹس ک نسل میں ٹریننگ دی جارہی ہے ۔اس موقع پر طلباو طالبات کو بہترین کارکردگی کی بنیاد پر انعامات سے نوازا گیا ۔
ضلع فینسنگ ایسو سی ایشن نے مستقبل میں بھی اس طرح کی چیمپین شپ منعقد کرانے کا اعادہ کیا تاکہ نوجوانوں اور بچوں کے درمیان کھیل کود کے جذبے کو ابھارا جائے اور انہیں اسپورٹس شعبے کی طرف راغب کر کے مستقبل بنانے کے لیے ذہنی طور سے تیار کرنے کی یقین دہانی کرائی تاہم انہوں نے محکمہ اسپورٹس اور ضلع انتظامیہ سے مزید تعاؤن کی اپیل بھی کی۔ Fencing Championship in Ramban
یہ بھی پڑھیں: Food Festival in Ramban رامبن میں بھارتی فوج کی جانب سے فوڈ فیسٹیول کا اہتمام
