جموں و کشمیر کے ضلع رامبن کے ترقیاتی کمشنر ناظم زئی خان نے عالمی وبا کووڈ-19 کے حالات کا جائزہ لینے کیلئے سب ڈسٹرکٹ بانہال اور جوہر ٹنل کا تفصیلی دورہ کیا۔ انکے ہمراہ ایس ایس پی رامبن حسیب الرحمن، سب ڈویژن مجسٹریٹ بانہال ظہور عباس بٹ موجود تھے۔ترقیاتی کمشنر نے علاقہ میں احتیاطی تدابیر کے نفاذ کا جائزہ لیا اور صوبہ کشمر کے ریڈ زونز سے صوبہ جموں میں کووڈ-19 کے پھیلاؤ کو روکنے کے لیے ہدایات جاری کیں۔
انہوں نے جواہر ٹنل پر تعینات اہلکاروں کو ہدایت دی کہ وہ ان ہی لوگوں کو صوبہ جموں، رامبن کی طرف آنے کی اجازت دیں جن کی کووڈ-19 رپورٹ منفی ہو گی۔ ترقیاتی کمشنر نے سیکیورٹی فورسز اور دیگر اہلکاروں کو ہدایت دی کہ وہ مجاز افسران کے جاری کردہ ای پاسز اور دیگر نقل و حرکت کے اجازت ناموں کی مناسب تصدیق کو یقینی بنائے اور انٹری پوائنٹس پر سخت نگرانی اور مناسب اسکریننگ کے بغیر ضلع کی طرف کسی بھی قسم کی نقل و حرکت کی جازت نہ دے۔انہوں نے جواہر ٹنل پر مسافروں اور ٹرک ڈرائیوروں سے بات چیت کے دوران ان پر زور دیا کہ وہ سختی سے قوانین اور ہدایات کی پیروی کر کے کروانا کے خلاف جنگ میں انتظامیہ کی مدد کریں۔
