جموں و کشمیر کے ضلع رامبن میں محکمہ صحت کی جانب سے غیر سرکار تنظیم 'ہمدرد' کے تعاون سے ہیلتھ بلاک بٹوٹ کے کمیونٹی ہیلتھ سینٹر چندرکورٹ میں خون کے عطیہ کیمپ کا انعقاد کیا گیا۔ اس کمیپ میں قریب 30 نوجوانوں نے خون کا عطیہ دیا۔
کیمپ کے دوران صرف 9 رضاکاروں کو منتخب کیا گیا جنہوں نے کووڈ 19 اور دیگر بیماریوں کی اسکریننگ کے بعد اپنا خون عطیہ کیا۔ جبکہ دیگر رضاکاروں کو شاہراہ پر سڑک حادثہ اور ایمرجنسی کے لیے مخصوص رکھا گیا ہے۔
رامبن میں ہمدرد تنظیم کی جانب سے خون عطیہ کیمپ کا انعقاد
یہ بھی پڑھیں: کشمیر اور لداخ میں شدید سردی کی لہر
کیمپ کی صدارت بٹوٹ بلاک کے میڈیکل آفیسر ڈاکٹر شکیل سمبڑیا نے کی۔ ان کی نگرانی میں پیتھالوجسٹ ڈاکٹر پرویز احمد کٹوچ نے ڈائریکٹوریٹ ہیلتھ سرویسز جموں سے خصوصی وین میں خون جمع کیا۔
محکمہ صحت کی جانب سے آخر میں غیر سرکار تنظیم 'ہمدرد' کے رضاکاروں کو اسناد بھی دی گئیں۔
