ضلع انتظامیہ کے مطابق رامبن میں 74 افراد کو گھریلو قرنطینہ (متاثرہ و مشکوک افراد کو 14 روز تک الگ تھلگ کرنے کا عمل) میں رکھا گیا ہے، یہ افراد بیرونی ممالک اور ملک کی دیگر ریاستوں سے آئے ہیں۔
حکام نے بتایا کہ انتظامیہ کورونا وائرس سے پیدا شدہ صورتحال کا مسلسل جائزہ لے رہی ہے، اس کی گہرائی سے نگرانی کی جا رہی ہے اور اس سے نمٹنے کے لیے ہر طرح کے اقدامات اٹھائے جا رہے ہیں۔
انتظامیہ نے پہلے سے ہی تعلیمی اور تجارتی اداروں کو بند رکھنے کا اعلان کیا ہے۔
ضلع مجسٹریٹ نے دفعہ 144 کے تحت لوگوں کی آزادانہ نقل وحرکت پر پابندیاں لگانے کے علاوہ پبلک ٹرانسپورٹ کے چلنے پر روک اور بازاروں کو بند رکھنے کے حکم نامے جاری کیے ہیں۔ یہ حکم نامے اگلے احکامات تک نافذ العمل رہیں گے۔
