سڑک حادثے میں سات ہلاک متعدد زخمی

جموں و کشمیر کے راجوری میں ایک سڑک حادثے میں سات افراد ہلاک اور 25 افراد زخمی ہوئے۔

جموں کشمیر کے راجوری ضلع میں اتوار کے روز ایک منی بس کے حادثے کا شکار ہوجانے سے سات افراد کی موت ہو گئی اور 25 دیگر زخمی ہو گئے۔

پولیس ذرائع نے بتایا کہ یہ بس پونچھ سے شاہدرہ شریف جا رہی تھی اور اسی دوران راجوری کے تھانہ مڑي کے نیگی موڑ کے قریب حادثے کا شکار ہوگئی۔ اس حادثے میں سات افراد کی موت ہو گئی اور 25 دیگر زخمی ہو گئے۔ زخمیوں میں سے دس کی حالت نازک ہونے پر انہیں جموں بھیج دیا گیا ہے۔

پولیس نے معاملے کی جانچ شروع کر دی ہے۔