سرحدی ضلع راجوری کے تھنہ منڈی میں آگ کی ہولناک واردات میں ایک رہائشی مکان خاکستر ہو گیا۔
تھنہ منڈی کے ہسپلوٹ علاقہ میں اس وقت کہرام مچ گیا جب محمد معروف ولد محمد کبیر کے رہائشی مکان سے اچانک آگ نمودار ہوئی جس نے آناً فانا مکان کو اپنی چپیٹ میں لے لیا۔
آگ کی ورادات میں گرچہ کسی جانی نقصان کی کوئی اطلاع نہیں ہے۔ تاہم مکان مکمل طور تباہ ہو گیا جبکہ مقامی باشندوں کے مطابق اس میں موجود لاکھوں کی املاک بھی خاکستر ہو گئیں۔
اس ضمن میں مقامی لوگوں نے ضلع انتظامیہ کے خلاف ناراضگی کا اظہار کرتے ہوئے کہا کہ ایسے حادثات علاقے میں رونما ہوتے رہتے ہیں۔ تاہم علاقے میں فائر اینڈ ایمرجنسی کی خدمات میسر نہ ہونے سے لاکھوں کی املاک راکھ کے ڈھیر میں تبدیل ہو جاتی ہیں۔
مقامی باشندوں نے علاقے میں فائر اینڈ ایمرجنسی خدمات شروع کرنے کے علاوہ متاثرہ شخص کو معاوضہ فراہم کرنے کی اپیل کی ہے۔
