'اُمید ہے عبد الصمد ٹیم کا حصہ ہوں گے'

عبد الصمد جموں و کشمیر سے تعلق رکھنے والے چوتھے کھلاڑی ہے جو آئی پی ایل کا حصہ ہوں گے۔ اس سے قبل پرویز رسول، منظور ڈار اور راسخ سلام آئی پی ایل میں حصہ لے چکے ہیں۔

جموں و کشمیر کے ضلع راجوری کے سرحدی علاقہ کالاکوٹ سے تعلق رکھنے والے عبدالصمد نے کرکٹ کی دنیا میں اپنا لوہا منواتے ہوئے انڈین پریمیئر لیگ میں اپنی جگہ بنانے میں کامیابی حاصل کرلی۔

کرکٹ کی دنیا میں کامیابی کی وجہ سے جہاں عبدالصمد میں ایک نیا جوش و ولولہ دکھائی دے رہا ہے وہیں ان کے والدین اپنے بیٹے پر ناز کر رہے ہیں۔ اور وہ اُمید ظاہر کر رہے ہیں کہ عبدالصمد کرکٹ کی دنیا میں مزید کارنامے انجام دیکر اور نمایاں کامیابی حاصل کر کے اپنے مستقبل کو تابناک بنائے گا۔

نوجوان کرکٹر عبد الصمد پہلی بار آئی پی ایل میں حصہ لے رہے ہیں۔ آج ان کی ٹیم سن رائزرس حیدرآباد کا مقابلہ رائل چلینجرز بنگلور سے ابوظہبی میں ہو گا۔

عبد الصمد جموں و کشمیر سے تعلق رکھنے والے چوتھے کھلاڑی ہے جو آئی پی ایل کا حصہ ہوں گے۔ اس سے قبل پرویز رسول، منظور ڈار اور راسخ سلام آئی پی ایل میں حصہ لے چکے ہیں۔

عبد الصمد کے والد محمد فاروق نے ای ٹی وی سے بات کرتے ہوئے کہا کہ 'انہوں نے کہا میں اُمید کرتا ہوں کہ عبد الصمد آج کھیلیں گے۔ 'اور اچھی کارکردگی دکھائیں گے۔

عبد الصمد کی پیدائش 28 اکتوبر 2001 کو ہوئی ہے۔ انہوں نے 21 فروری 2019 کو جموں و کشمیر کے لئے ٹوئنٹی 20 کی شروعات 2018 - 19 سید مشتاق علی ٹرافی سے کی۔

انہوں نے 27 ستمبر 2019 کو جموں وکشمیر کے لئے 2019 - 20 وجے ہزارے ٹرافی میں اپنے لسٹ اے کیریئر کا آغاز کیا۔

انہوں نے اپنی فرسٹ کلاس کرکٹ کا آغاز 9 دسمبر 2019 کو جموں و کشمیر کے لئے 2019 - 20 رنجی ٹرافی سے کیا۔ انہیں سن رائزرس حیدرآباد نے بیس لاکھ روپے میں خریدا ہے۔